JUN DA ETORRI

ERDI AROKO AZOKA ORDIZIAN

jundaetorri — Mon, 08 May 2006 10:26:04 +0000

Urteroko ohiturei jarraituz, aurten ere Ordiziako kaleak erdi aroz jantziko dira. Ordiziako bandak alaituko du giroa eta hainbat puesto egongo dira erdi aroko produktuak saltzen. Hamargarren edizioa du aurtengoa herri gipuzkoar honek.

SU TA GAR TALDE HANDIA LAZKAON

jundaetorri — Mon, 24 Apr 2006 10:26:32 +0000

Igandea koadrila egunez hasiko da Lazkaon. Herriko gazteek beteko dituzte kaleak umorez eta giro ona bermaturik egongo da. Gau aldean, hala nola, Su ta gar taldearen emanaldia egongo da ikusgai plazan. Jende asko joango denaren itxaropenaz daude antolatzaileak. 1987an sortutako talde euskalduna da hau eta Asier, Aitor, Xabier eta Borxak osatzen dute. Dagoeneko 10 diska kaleratu dituzte eta beste hainbeste kaleratzeko prest daude gazte hauek. Aurrez aipatutako 10 diska hauei esker euskal musikaren gailurrean daude kontzertuak emanez. Joaten diren leku guztietan betetzen dute plaza.

LAZKAOKO FESTAK

jundaetorri — Fri, 21 Apr 2006 16:32:06 +0000

Gaur arratsaldeko zazpietan ohiko txupinazoarekin emango da hasiera Lazkaoko San Prudentzio jaiei. Ondoren buruhandiak aterako dira Antzar Gazteak txarangaren laguntzaz.

Ekitaldi anitz antolatu dituzte Lazkaotarrek asteburu honetan eta hurrengoan, ostegunetik aurrera, inor asper ez dadin. Horien artean gaur bi pilota partidu jolastuko dira:

Berasaluze IX eta Urberuaga, Apezetxea eta Laskurainen aurka.

Titin III eta Goñi III, Martinez de Irujo eta Eulateren kontra.

Captain-Nemo, Nazka eta Lobo Elektrikok joko dute iluntzean.

Bihar mozorro eguna da eta eguna bukatzeko Konbo taldeak eta Drindotsek joko dute, tabernariek antolatua.

Eguraldia oso ona ez izan arren, urteroko giro apartak ez du huts egingo Lazkaon.

GAZTE TOPAGUNEA ETXARRIN

jundaetorri — Thu, 13 Apr 2006 20:03:34 +0000

Gazte askok hartu dute astebuera hau Etxarrira joateko, izan ere, bertan sekulako jaia izango baita. Joan den urtean Itsasondon izan ostean aurten Etxarrik hartu du gazte topagunea antolatzeko lekukoa. Euskal gazteek parranda on bat egiteko aukera itzela dute beraz ostiralean hasi eta astelehena bitartean. Aukera hau ez galtzea gomendatzen dizuet!!!!

ORDIZIAKO GAZTETXEAREN XX.URTEMUGA

jundaetorri — Mon, 03 Apr 2006 10:25:42 +0000

Aste bukaera honetan parranda itzela egon da Ordizian gaztetxearen 20.urteurrena dela eta. Esate baterako, datorren larunbatean, gaztetxean bertan, KAOTIKO musika talde ezagunaren emanaldia izango da. Aste osoan zehar ekintza anitz egongo dira.

IPARRA-HEGOA

jundaetorri — Fri, 24 Mar 2006 16:16:03 +0000

Aste honen hasieratik ari dira ekitaldi desberdinak gauzatzen Seguran, Iparra-Hegoa elkartearen eskutik. Zenbait hitzaldi izan dira eta aipatzekoa ere, atzo ospatutako bertso poteoa, Amets Arzallus eta Unai Iturriagarekin. Giro ederra da nagusi egun hauetan Seguran.

Gaur Ziburuko eta Donaixtiko haurrak etorri dira. Herrian zehar itzulia egin dute, herriko zenbait txoko erakutsiz. Segura irratian esatari moduan aritzeko aukera ere izan dute. Ekintza guzti hauek taldetan banatuta eta txandatuz eginten dira, antolatzaileei lana errazte aldera. Horrela, Segurako herri eskolako umeek eta Iparraldekoek elkar ezagutzeko aukera dute.

Bihar goizean mendi irteera izango da eta arratxaldean, herri kirolak eta talo eta ardo dastaketa. Gauean Iparraldeko Iñazki taldearen dantzaldia izango da.

Iganderako ere ekitaldi ugari prestatu dria. Hauen artean, sukaldaritza lehiaketa eta herri bazkaria. Azkenik, aurtengo ekitaldiei bukaera emateko Muxiko dantzak izango dira.

jundaetorri — Tue, 14 Mar 2006 11:29:59 +0000

Aste bukaera honetan Hernanin sekulako festa egiteko aukera dago. Sagardoaren Kultura Sustatzeko Elkarteak “Sagarrondotik jaialdia” antolatu du. Festa hau Martxoaren 17 eta 18rako prestatuta dago hainbat musika talderen presentziaz. Azken unean talde batzuk huts egin duten arren, antolatzaileak azkar ibili dira beste talde batzuen kontrataziorako. Besteak beste, honako hauek dira ostiralean eta larunbatean entzungai izango direnak:

Martxoaren 17an:

THC

SORKUN

CHAMBAO

LOQUILLO Y TROGLODITAS

PAL KELI

Martxoaren 18an:

MORODO & RANKING SOLDIERS

Esan, sarrerak aldez aurretik ohiko lekuetan 21€ ren truke eskura ditzakezuela eta bertan erosiz gero 24€ tan. Jakin, bi egunetan joateko asmoa duzuenak, bonoak 36€ ko balioaren truke izango direla salgai.

Igandean, bestalde, Urnieta sagardoaren erresuma bilakatu nahi dute. Artisau eta kale animazioak ere izango dira sagardoaren egun honetan.

Berebiziko giroa egoten da herrien artean antolatzen dituzten desafioetan. Usurbil, Astigarraga, Hernani eta Urnieta udalerrien artean izanen da herri kiroletako borroka. Amarruak tarteko nork bere herria defendatuz garaipenaren bila irtengo dira.

SKALARIAK MUSIKA TALDE HANDIA

jundaetorri — Sun, 19 Feb 2006 09:49:07 +0000

Skalariak 1994. urte bukaeran jaio zen, batez ere Juantxo eta Peio Skalari anaiek ska musikarengatik zuten afizioari esker. Ska musikak 40 urte izaki, beren modura interpretatzeko eta denborarekin estilo propio eta konfundiezina lortu dute. Gainera berriro ere Skalariak-ek ekintza praktikoekin egiten du aldarri eta horren adibide, sortu duten benetazko irratia. Irrati librea, 24 orduak etengabe ari dena eta mundu guztirako emititzen duena . www.radioghetto.com helbidean entzun ahal izanen duzu. Talde honen argazkiak ikusgarriak dira, joaten diren kontzertu guztietan ateratzen baitituzte.

KALDEREROAK TOLOSA ETA ORDIZIAN

jundaetorri — Fri, 17 Feb 2006 18:27:04 +0000

Ordizian kaldereroak ospatzen dira. Jende asko bilduko da kaleetan barrena bere zartagiak hartuta, herriko bandaren musikapean.

Tolosan, bestalde, inauteri atariko astebukaera honetan Ordizian bezala kalderero jantzi eta kalera irteteko joera dute.

Beraz, giro ona ziurtatuta dago bi gune hauetan larunbat gauean.

PEIO RAMIREZ ORDIZIAN

jundaetorri — Fri, 03 Feb 2006 20:03:27 +0000

Ostiralean Ordiziako herri antzokian Peio Ramirez herritarra izango da ikusgai bere abesti berriekin. Bere disko beriarekin datorkigu gogo biziz eta dena emateko prest. Jendeari gustatuko zaion itsaropenez izango da gaur oholtza gainean.